KOMEDIA DI NOS ta un kolaborashon entre RM Events di Roos Maduro i Het Huis Van Asporaat di e rumannan Kenneth i Jandino Asporaat (HHVA).

Ambos organisashon tin pashón pa teater i amor pa nos kultura. Komedia ta un gran parti di nos kultura, ku ta trese alegria den komunidat. Un evento kaminda bo por lubida tur strès diario pa un ratu,  relagá i disfruta hari i pasa un momentu ameno.

E dos organisashonnan aki a kuminsá ku un grupo di komedia ku aktornan eksperenshá den e mundu di komedia i bibá na Hulanda. Eskritornan di komedia konosí den nos komunidat, ku lo skibi e diferente komedianan kompletamente na Papiamentu ku lo wordú presentá pa e grupo na e diferente teaternan rònd Hulanda pa nos hendenan.

Grupo di komedia MaTaKuBi = Mantené Talento Kultural Bibú! 
Esaki ta e nòmber di e grupo di komedia di Hulanda. Ta e idea pa tene komedia bibu den nos kultura, dunando nos talentonan lokal e oportunidat pa mantene komedia na Papiamentu bibu pa hopi aña mas.